Follow-ಶಿವರಾಮ್
ಈ ವೀಡಿಯೋ ಒಮ್ಮೆ ನೋಡಿ, ನಿಮ್ಮೊಳಗೆ ಅಸಹ್ಯ ಹುಟ್ಟುತ್ತದೆ. ಪತ್ರಕರ್ತರಾಗಿದ್ದಲ್ಲಿ ತಲೆತಗ್ಗಿಸಬೇಕೆನಿಸುತ್ತದೆ. ಸುದ್ದಿ ವಾಹಿನಿಯ ಲೋಗೋವನ್ನು ಬಲಗೈಯಲ್ಲಿ ಹಿಡಿದು ವರದಿಗಾರನೊಬ್ಬ ವಕೀಲ ವೃಂದಕ್ಕೆ ತನ್ನ #*$%ವನ್ನು ತೋರಿಸಲು ಯತ್ನಿಸುತ್ತಿರುವ ತೀರಾ ಮುಜುಗರ ಹುಟ್ಟಿಸುವ ದೃಶ್ಯವಿದು. ಈ ದೃಶ್ಯವನ್ನು ಯೂಟ್ಯೂಬ್‌ಗೆ ಅಪ್‌ಲೋಡ್ ಮಾಡಿರುವ ವಕೀಲರ ಪ್ರಕಾರ, ಮಾರ್ಚ್ ಎರಡರಂದು ಕೋರ್ಟ್ ಆವರಣದಲ್ಲಿ ನಡೆದ ಘಟನೆಗಳಿಗೆ ಇದು ಮೂಲ ಕಾರಣ.
ಈ ಅಸಹ್ಯಕರ ದೃಶ್ಯದಲ್ಲಿ ಹಿಂದುಗಡೆ ಅನೇಕ ಕೆಮರಾಗಳಿವೆ, ಮತ್ತು ಅವು ಸುಸ್ಥಿತಿಯಲ್ಲಿವೆ. ಅದರರ್ಥ ಈ ದೃಶ್ಯದ ನಂತರವಷ್ಟೆ ಪರ್ತಕರ್ತರ ಮೇಲೆ ಹಲ್ಲೆಗಳಾದವು. ‘ಅಲ್ಲಿ ಪತ್ರಕರ್ತರ ಮೇಲೆ ನಡೆದದ್ದು ಅಪ್ರಚೋದಿತ ಹಲ್ಲೆ’ ಎಂದು ಪದೇ ಪದೇ ಹೇಳುತ್ತಿರುವ ದೃಶ್ಯ ಮಾಧ್ಯಮಗಳ ವರದಿಗಾರರು, ಸಂಪಾದಕರು ಈಗಲಾದರೂ ಒಮ್ಮೆ ಆತ್ಮಾವಲೋಕನ ಮಾಡಿಕೊಳ್ಳಬೇಕು.
ಪ್ರತಿ ದಿನ ಪತ್ರಕರ್ತರ ಮೇಲೆ ದಾಳಿ ಮಾಡಿದ ವಕೀಲರ ಮುಖಗಳನ್ನು ತೋರಿಸಿ, ‘ಇವರನ್ನು ಇನ್ನೂ ಏಕೆ ಬಂಧಿಸಿಲ್ಲ?’ ಎಂದು ಪ್ರಶ್ನೆ ಕೇಳುವ ಸುದ್ದಿ ವಾಹಿನಿಗಳ ಸಂಪಾದಕರೆ, ಈ ದೃಶ್ಯದಲ್ಲಿರುವ ವರದಿಗಾರ ಮತ್ತು ಅವನ ಜೊತೆಯಲ್ಲಿರುವವರು ಯಾರು? ಅವರನ್ನು ಗುರುತಿಸಲು ನಿಮಗೇಕೆ ಸಾಧ್ಯವಾಗಿಲ್ಲ? “ವಕೀಲರ ಸಂಘ ‘ಗೂಂಡಾ ವಕೀಲರನ್ನು’ ಗುರುತಿಸಲಿ, ಅವರನ್ನು ಶಿಕ್ಷಿಸಲಿ,” ಎಂದು 
ಕೇಳುವ ಸುದ್ದಿ ವಾಹಿನಿಯವರು, ನಿಮ್ಮೊಳಗಿರುವ ಇಂಥವರನ್ನು (ಗೂಂಡಾ ಎನ್ನಬೇಕೊ, ಪುಂಡ ಎನ್ನಬೇಕೋ ತಿಳಿಯುತ್ತಿಲ್ಲ) ನೀವೇಕೆ ಸರಿದಾರಿಗೆ ತರುವುದಿಲ್ಲ?
ಸರಕಾರ ಈ ಘಟನೆ ಬಗ್ಗೆ ಆರ್.ಕೆ. ದತ್ತಾ ನೇತೃತ್ವದಲ್ಲಿ ತನಿಖೆಗೆ ಆದೇಶ ನೀಡಿದೆ. ತನಿಖೆ ವೇಳೆ ಇಂತಹ ವೀಡಿಯೋಗಳನ್ನೂ ಪರಿಶೀಲಿಸಬಹುದು.