ಸ್ನೇಹಿತರೇ,
ವರ್ತಮಾನದ ಕೆಲಸ ಹೆಚ್ಚುತ್ತಲೇ ಇದೆ. ನಮಗೆ ಬರುವ ಲೇಖನಗಳು, ಇಮೇಲ್ಗಳು, ಮತ್ತಿತರ ಒತ್ತಡಗಳನ್ನು ಇತರೆ ಆದ್ಯತೆಗಳ ಮಧ್ಯೆ ಒಮ್ಮೊಮ್ಮೆ ನಿಭಾಯಿಸುವುದು ಕಷ್ಟವೆ. ಅದರ ಜೊತೆಗೆ ವರ್ತಮಾನ.ಕಾಮ್ ಅನ್ನು ಬೇರೆಬೇರೆ ರೀತಿಯಲ್ಲಿ ಪರಿಚಯಿಸುತ್ತ, ವಿಸ್ತರಿಸುತ್ತ. ಮತ್ತಷ್ಟು ಪ್ರಸ್ತುತಗೊಳಿಸುತ್ತ ಹೋಗುವ ಸವಾಲು ಇದ್ದೇ ಇದೆ. ಈ ನಿಟ್ಟಿನಲ್ಲಿ ನಮ್ಮ ವೆಬ್ಸೈಟ್ಗೆ ಪತ್ರಿಕೋದ್ಯಮದ ಒಂದಿಬ್ಬರು ವಿದ್ಯಾರ್ಥಿಗಳನ್ನು ಇಂಟರ್ನ್ಸ್ ಆಗಿ ತೆಗೆದುಕೊಳ್ಳುವುದು ಉತ್ತಮ ಎನ್ನಿಸಿದೆ.
ಹಾಗಾಗಿ, ನೀವು ಪತ್ರಿಕೋದ್ಯಮದ ಅಂತಿಮ ವರ್ಷದ ವಿದ್ಯಾರ್ಥಿ ಆಗಿದ್ದಲ್ಲಿ (ಅಥವ ನಿಮಗೆ ಯಾರಾದರೂ ಗೊತ್ತಿದ್ದಲ್ಲಿ) ಮತ್ತು ವರ್ತಮಾನದಲ್ಲಿ ಇಂಟರ್ನ್ ಆಗಿ ಕೆಲಸ ಮಾಡಲು ಇಚ್ಚೆಪಟ್ಟಲ್ಲಿ, ದಯವಿಟ್ಟು ಸಂಪರ್ಕಿಸಿ. ನಿಮಗೆ ಖಂಡಿತವಾಗಿ ಕನ್ನಡ ಅಥವ ಇಂಗ್ಲಿಷ್ನಲ್ಲಿ ವರದಿ ಮಾಡುವುದು ಇಲ್ಲವೇ ಲೇಖನ ಬರೆಯುವುದು ಗೊತ್ತಿರಬೇಕು. ಕನ್ನಡದಲ್ಲಿ ಬರಹ/ನುಡಿ/ಯೂನಿಕೋಡ್ನಲ್ಲಿ ಟೈಪಿಂಗ್ ಗೊತ್ತಿರುವುದು ಕಡ್ಡಾಯ. ಇದರ ಜೊತೆಗೆ ನಿಮಗೆ ವಿಡಿಯೋ ಶೂಟಿಂಗ್ ಮತ್ತು ಎಡಿಟಿಂಗ್ ಅಷ್ಟಿಷ್ಟು ಗೊತ್ತಿದ್ದರೆ ಮತ್ತೂ ಉತ್ತಮ. ವಿಡಿಯೊ ಎಡಿಟಿಂಗ್ ಮತ್ತು ಗ್ರಾಫಿಕ್ಸ್ ಡಿಸೈನಿಂಗ್ ಗೊತ್ತಿರುವ ಪತ್ರಿಕೋದ್ಯಮದ ವಿದ್ಯಾರ್ಥಿಗಳಿಗೆ ಅಥವ ಈಗ ತಾನೆ ಮುಗಿಸಿರುವವರಿಗೆ ಆದ್ಯತೆ.
ನೀವು ಕೆಲಸ ಮಾಡುವ ಸ್ಥಳ ಬೆಂಗಳೂರು ಆಗಿರುತ್ತದೆ. ಹೊರಗಿನ ಅಸೈನ್ಮೆಂಟ್ಗಳ ಖರ್ಚು-ವೆಚ್ಚಗಳನ್ನು ಭರಿಸಲಾಗುತ್ತದೆ. ಜೊತೆಗೆ ಸ್ಟೈಪೆಂಡ್ ಎಂದು ನಾಮಿನಲ್ ಆದ ಮೊತ್ತವನ್ನು ನೀಡಲಾಗುತ್ತದೆ. ಇಂಟರ್ನ್ಶಿಪ್ನ ಅವಧಿ ಕನಿಷ್ಟ ಮೂರು ತಿಂಗಳು.
ನಿಮ್ಮ ಸ್ವವಿವರ ಮತ್ತು ನೀವು ಬರೆದ ಲೇಖನಗಳ ಅಥವ ಅನುಭವದ ವಿವರಗಳೊಂದಿಗೆ ದಯವಿಟ್ಟು editor@vartamaana.com ಗೆ ಇಮೇಲ್ ಕಳುಹಿಸಿ. ಅಥವ ಈ ಕೆಳಗಿನ ಫಾರ್ಮ್ ಅನ್ನು ತುಂಬಿ. ಆದಷ್ಟು ಬೇಗ ಸಂಪರ್ಕಿಸಲಾಗುವುದು.
[contact-form subject=”interested in internship” to=”ravikreddy@yahoo.com”] [contact-field label=”Name” type=”name” required=”true” /] [contact-field label=”Email” type=”email” required=”true” /] [contact-field label=”Your Resume” type=”textarea” required=”true” /] [/contact-form]
ನಮಸ್ಕಾರ,
ರವಿ ಕೃಷ್ಣಾರೆಡ್ಡಿ