Follow

Share

ಸ್ನೇಹಿತರೇ,

“ಗಾಂಧಿ ಜಯಂತಿ ಕಥಾ ಸ್ಪರ್ಧೆ – 2013″ರ ಫಲಿತಾಂಶ ಮೂರು ದಿನ ತಡವಾಗಿ ಪ್ರಕಟಿಸುತ್ತಿರುವುದಕ್ಕೆ ವಿಷಾದವಿದೆ. ಈ ಬಾರಿ ಸುಮಾರು 50+ ಕತೆಗಳು ಬಂದಿದ್ದವು. ಕಳೆದ ಸಾರಿಗೆ ಹೋಲಿಸಿದರೆ ಒಂದಿಪ್ಪತ್ತು ಕಮ್ಮಿ. ಆದರೆ ಕಳೆದ ಬಾರಿ ನಮ್ಮ ಕಥಾ ಸ್ಪರ್ಧೆಯ ಪ್ರಕಟಣೆ ಮತ್ತು ಕತೆಗಳ ಆಹ್ವಾನ ಪ್ರಜಾವಾಣಿ, ಕನ್ನಡ-ಒನ್‌ಇಂಡಿಯಾ, ಅವಧಿ ಒಳಗೊಂಡಂತೆ ಇತರೆ ಒಂದೆರಡು ಕಡೆ ಪ್ರಕಟವಾಗಿತ್ತು. ಕೆಲವೊಂದು ಕಡೆ, ವಿಶೇಷವಾಗಿ ಮುದ್ರಣ ಮಾಧ್ಯಮದಲ್ಲಿ, ನಿಯಮಗಳು ಸ್ಪಷ್ಟವಾಗಿ ಪ್ರಕಟವಾಗಿಲ್ಲದಿದ್ದ ಕಾರಣ ಆಗ ಅನೇಕ ಕತೆಗಳು ಕಾಗದದಲ್ಲಿ ಅಂಚೆಯ ಮೂಲಕ ಬಂದವುವಾಗಿದ್ದವು ಮತ್ತು ಅವು ನಮಗೆ ಒಂದಷ್ಟು ತಾಂತ್ರಿಕ ಸಮಸ್ಯೆಗಳನ್ನು ತಂದೊಡ್ಡಿದ್ದವು. ಹಾಗಾಗಿ ಈ ಬಾರಿ ಪ್ರಕಟಣೆಯನ್ನು ಎಲ್ಲಿಯೂ ಕಳುಹಿಸಲಿಲ್ಲ. ಈ ಸಾರಿ ಬಂದ ಎಲ್ಲಾ ಕತೆಗಳೂ ಇಮೇಲ್‌ನಲ್ಲಿ ಬಂದ ಸಾಫ್ಟ್‌ಕಾಪಿಗಳು.

ಕತೆಗಳು ಕಮ್ಮಿ ಸಂಖ್ಯೆಯಲ್ಲಿ ಬಂದಿದ್ದರೂ, ಬಂದ ಬಹುತೇಕ ಎಲ್ಲಾ ಕತೆಗಳು ಉತ್ತಮವಾಗಿವೆ ಎಂದು ನನಗೆ ಮೊದಲ ದಿನದಿಂದಲೇ ಅನ್ನಿಸಿತ್ತು. ನಮ್ಮ ಬಳಗದ ಶ್ರೀಪಾದ ಭಟ್ಟರು ಮತ್ತು ನಾನು ಒಂದು ದಿನ ಕುಳಿತು ಕತೆಗಳತ್ತ ಕಣ್ಣಾಡಿಸಿದೆವು. ಒಳ್ಳೆಯ ಕತೆಗಳು ಬಂದಿವೆ ಎಂದು ನಮಗೆ ಮೇಲ್ನೋಟಕ್ಕೇ ಗೊತ್ತಾಯಿತು. ನಾವಿಬ್ಬರೂ ಸೇರಿ ಕಥಾ ಸ್ಪರ್ಧೆಯ ನಿಬಂಧನೆಗಳಿಗೆ ಒಳಪಡದ ಮತ್ತು ಪಕ್ಕಕ್ಕಿಡಬಹುದು ಎನ್ನಿಸಿದ ಕೆಲವನ್ನು ಪ್ರತ್ಯೇಕಿಸಿ ಒಟ್ಟು 39 ಕತೆಗಳನ್ನು ತೀರ್ಪುಗಾರರಾದ ಸಾಹಿತಿ ಮತ್ತು ಪ್ರಾಧ್ಯಾಪಕ ರಾಮಲಿಂಗಪ್ಪ ಬೇಗೂರುರವರಿಗೆ ಮುದ್ರಿಸಿ ಕಳುಹಿಸಿದೆವು. ತೀರ್ಪುಗಾರರ ಇಚ್ಚೆಯಂತೆ ಅವರಿಗೆ ಕಳುಹಿಸಿದ ಕತೆಗಳಲ್ಲಿ ಯಾವುದರಲ್ಲೂ ಲೇಖಕರ ಹೆಸರುಗಳು ಇರಲಿಲ್ಲ. ಇಂದು ಅಂತಿಮವಾಗಿ ತೀರ್ಪುಗಾರರು ಫಲಿತಾಂಶ ಕಳುಹಿಸಿದ್ದಾರೆ.

ಮೊದಲ ಬಹುಮಾನ : “ಮಹಾತ್ಮ” – ವಿಶ್ವಾಸ್ ಭಾರದ್ವಾಜ್
ಎರಡನೆಯ ಬಹುಮಾನ : “ಗಲೀಜು” – ಗಿರಿ ರಾಜ್
ಮೂರನೆಯ ಬಹುಮಾನ : “ಬೆಂದಕಾಳೂರು” – ವಿಜಯ್ ಹೂಗಾರ್
ಪ್ರೋತ್ಸಾಹಕ ಬಹುಮಾನಗಳು :
“ಮುಗಿಲ ಮಾಯೆಯ ಕರುಣೆ” – ಪಿ. ಮಂಜುನಾಥ
“ಹುಲಿ ಸಾಕಣೆ” – ಗೋಪಿನಾಥ ರಾವ್

ಕಥಾ ಸ್ಪರ್ಧೆಗೆ ಕತೆಗಳನ್ನು ಕಳುಹಿಸಿದ ಎಲ್ಲಾ ಕತೆಗಾರರಿಗೂ ಧನ್ಯವಾದಗಳು ಮತ್ತು ಕೃತಜ್ಞತೆಗಳು. ಮತ್ತು ವಿಜೇತರಿಗೆ ಅಭಿನಂದನೆಗಳು. ತೀರ್ಪುಗಾರರಾದ ರಾಮಲಿಂಗಪ್ಪ ಬೇಗೂರುರವರಿಗೆ ಹೃತ್ಪೂರ್ವಕ ಧನ್ಯವಾದಗಳು. ಈ ಕಥಾ ಸ್ಪರ್ಧೆಯ ಆಯೋಜನೆಯಲ್ಲಿ ವಿಶೇಷವಾಗಿ ಸಹಕರಿಸಿದ ಶ್ರೀಪಾದ ಭಟ್ಟರಿಗೆ ಮತ್ತು ದೀಪಕ್ ಸಿ.ಎನ್.ರಿಗೆ ಧನ್ಯವಾದಗಳು.

ತೀರ್ಪುಗಾರರ ಅಭಿಪ್ರಾಯದ ಲೇಖನವನ್ನು ಸೋಮವಾರ ಪ್ರಕಟಿಸಲಾಗುವುದು.

ಬಹುಮಾನಿತ ಕತೆಗಳನ್ನು ಮುಂದಿನ ದಿನಗಳಲ್ಲಿ ವಾರಕ್ಕೊಂದರಂತೆ ಪ್ರಕಟಿಸಲಾಗುವುದು.

ಮತ್ತೊಮ್ಮೆ ಇದಕ್ಕೆ ಸಹಕರಿಸಿದ ಎಲ್ಲರಿಗೂ ಧನ್ಯವಾದಗಳು ಮತ್ತು ವಿಜೇತರಿಗೆ ಅಭಿನಂದನೆಗಳು.

ನಮಸ್ಕಾರ,
ರವಿ ಕೃಷ್ಣಾರೆಡ್ಡಿ
ವರ್ತಮಾನ.ಕಾಮ್.