“ಗಲಿಯೋಕಿ ರಾಸಲೀಲ ರಾಮಲೀಲ” – ಅಚ್ಚರಿಗೊಳಿಸುವ ಫೆಮಿನಿಸಂ

– ಬಿ.ಶ್ರೀಪಾದ ಭಟ್

ಲೇಖಕಿ ಮತ್ತು ಫ್ಯಾಷನ್ ಕ್ವೀನ್ ಶೋಭಾ ಡೇ “ಗಲಿಯೋಕಿ ರಾಸಲೀಲ ರಾಮಲೀಲ” ಸಿನಿಮಾ ಕುರಿತು ಬರೆಯುತ್ತಾ ಅದರಲ್ಲಿ ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ನಡುವಿನ ಕೆಮಿಸ್ಟ್ರಿ ಅದ್ಭುತವಾಗಿತ್ತೆಂದು ಮತ್ತು ಎಷ್ಟೊಂದು ರೋಚಕವಾಗಿತ್ತಂದರೆ “Get a room guys! Go ahead and do it!” ಎನ್ನುವಂತಿದೆ ಎಂದೆಲ್ಲಾ ಬರೆದಿದ್ದಳು. 65 ರ ಹರೆಯದ ಶೋಭಾ ಡೇಯ ಈ ರೀತಿಯ ಬರವಣಿಗೆ ಆಕೆಯ ಟಿಪಿಕಲ್ sexes ತರಹವಷ್ಟೇ ಹಳಸಲು ಎಂದು ಗೆಳೆಯ ಮೂಗು ಮುರಿದಿದ್ದರೂram-leela ನನಗಂತೂ ಈ ಸಿನಿಮಾ ನೋಡಲೇಬೇಕೆನಿಸಿತು.

“ಗಲಿಯೋಂಕಿ ರಾಸಲೀಲ ರಾಮಲೀಲ” ಸಂಜಯ ಲೀಲಾ ಬನ್ಸಾಲಿಯ ಇತ್ತೀಚಿನ ಚಿತ್ರ. ತನ್ನ ಹಿಂದಿನ ಸಿನಿಮಾಗಳಾದ “ಸಾವರಿಯಾ”, “ಗುಜಾರಿಷ್”ನ ಸೋಲಿನಿಂದ ಹೊರಬಂದಿದ್ದೇನೆ, ಬೇಕಿದ್ದರೆ ಈ ರಾಮಲೀಲ ಸಿನಿಮಾ ನೋಡಿ ಎಂದು ಹೇಳಿಕೊಂಡಿದ್ದ. ಇದು ಶೇಕ್ಸಪಿಯರ್‌ನ ನಾಟಕ “ರೋಮಿಯೋ ಜ್ಯೂಲಿಯೆಟ್” ನಾಟಕದ ಎಳೆಯನ್ನು ಆಧರಿಸಿ ಇಂಡಿಯಾದ ಬಾಲಿವುಡ್ ವ್ಯಕ್ತಿತ್ವಕ್ಕೆ ಹೊಂದಿಸಿದ್ದೇನೆ ಎಂಬುದು ಬನ್ಸಾಲಿಯ ಮುನ್ನುಡಿ.

ಈ ಸಿನಿಮಾದ ಕಥೆ ಗುಜರಾತ್‌ನ ರಂಜಾರ್ ಎನ್ನುವ ಪಟ್ಟಣದ ರಜಾದಿ ಮತ್ತು ಸನೇರ ಕುಟುಂಬಗಳ ನಡುವಿನ ತಲೆಮಾರುಗಳ ವೈಮನಸ್ಸಿನ ನಡುವೆ, ಬುಲೆಟ್‌ಗಳ ಹಾರಾಟದ ನಡುವೆ ಪ್ರೇಮ ಕಥೆಯೊಂದನ್ನು ಕಟ್ಟಿಕೊಡುತ್ತದೆ. ಬನ್ಸಾಲಿ ತನ್ನ ಹಳೆಯ ಜನಪ್ರಿಯ ಶೈಲಿಗಳಾದ ಮೇಲೋಡ್ರಾಮ, ತೀವ್ರವಾದ ಪ್ರೇಮದ ವರಸೆಗಳು, ಅದ್ಭುತ ಕಲಾವಂತಿಕೆಯ ದೃಶ್ಯಗಳು, ದೀರ್ಘವಾದ ನೃತ್ಯರೂಪಕಗಳು, ಹೀಗೆ ಇವುಗಳನ್ನೆಲ್ಲ ಒಂದಕ್ಕೊಂದು ಕೊಲಾಜ್‌ನಂತೆ ರೂಪಿಸಲು ತನ್ನ ಅಪ್ಪಟ ಪರಿಣಿತ ನಿರ್ದೇಶಕನ ಕೈಚಳಕವನ್ನು ಬಳಸಿಕೊಂಡಿದ್ದಾನೆ. ಹಾಗೂ ಯಶಸ್ವಿಯೂ ಆಗಿದ್ದಾನೆ. ಈ ಮಿಶ್ರಣಕ್ಕೆ Romance and Lust ನ ರೋಚಕ ಕಾಂಬಿನೇಷನ್ ಅನ್ನು ಸಹ ಯಶಸ್ವಿಯಾಗಿ ಉಪಯೋಗಿಸಿಕೊಂಡಿದ್ದಾನೆ. ಅದೇ ಇಂದು ಪ್ರೇಕ್ಷಕರನ್ನು ಸಿನಿಮಾ ಮಂದಿರದೆಡೆಗೆ ಸೆಳೆಯುತ್ತಿದೆ. ಶೋಭಾ ಡೇಯಂತಹ 65 ರ ಹರೆಯದ ಲೇಖಕಿ ಮೇಲಿನಂತೆ ಉದ್ಗರಿಸುವಂತೆ ಮಾಡಿದ್ದು ಸಹ ಈ ram-leelaRomance and Lust ನ ರೋಚಕ ಕಾಂಬಿನೇಷನ್.

ಬನ್ಸಾಲಿಯ ಬಣ್ಣಬಣ್ಣದ ಈ ಕನಸುಗಳಿಗೆ ನಾಯಕಿ ದೀಪಿಕಾ ಪಡುಕೋಣೆ ಅದ್ಭುತವಾಗಿಯೇ ಸ್ಪಂದಿಸಿದ್ದಾಳೆ. ತನ್ನ ಕಣ್ಣುಗಳ ಮೂಲಕವೇ ಆ Lust ಅನ್ನು ಯಶಸ್ವಿಯಾಗಿ ವ್ಯಕ್ತಪಡಿಸುವ ದೀಪಿಕಾ ತನ್ನ ಬಿಲ್ಲಿನಂತಹ ದೇಹವನ್ನು ಬಳಸಿ ನಾಯಕ ರಣವೀರ್‌ನೊಂದಿಗೆ Romance ನಡೆಸುವುದರ ಮೂಲಕ ಪ್ರೇಕ್ಷಕರನ್ನು ಮುದಗೊಳಿಸುತ್ತಾಳೆ. ಆಕೆ ಈ ಬಗೆಯ ಪರಿಣಿತಿಯನ್ನು ತನ್ನ ನಟನೆಯಲ್ಲಿ ಸಾಧಿಸಿರುವುದು ಈ ಸಿನಿಮಾದ ಅಚ್ಚರಿಗಳಲ್ಲೊಂದು. ಅಲ್ಲದೆ ಟಿಕೇಟ್ ಕೊಟ್ಟು ಥೇಟರ್‌ನ ಒಳಗೆ ಕಾಲಿಡುತ್ತಲೇ ದೀಪಿಕಾ ಮತ್ತು ನಾಯಕ ರಣವೀರ್‌ನೊಂದಿಗಿನ ಚುಂಬನದ ದೃಶ್ಯಗಳಿಗಾಗಿ ಕಾತರಿಸುತ್ತಾನೆ ಪ್ರೇಕ್ಷಕ. ಮತ್ತು ಪ್ರೇಕ್ಷಕನ ಈ ಕಾತುರವನ್ನು ದೀಪಿಕಾ ಮತ್ತು ರಣವೀರ್ ನಿರಾಶೆಗೊಳಿಸುವುದಿಲ್ಲ. ಆದರೆ ಈ ಚುಂಬನದ ದೃಶ್ಯಗಳಲ್ಲಿಯೂ ಫೆಮಿನಿಸಂ ಮೇಲುಗೈ ಸಾಧಿಸುವುದು ಸಿನಿಮಾದ ಹೊಸ ಭಾಷ್ಯೆಯೇ ಸರಿ.

ನಿಮ್ಮ ಮನೆತನದ ವ್ಯಾಪಾರವೇನೆಂದು ಪ್ರಶ್ನಿಸಿದಾಗ “ಶೂಟಿಂಗ್, ಕಳ್ಳ ಸಾಗಾಣಿಕೆ, ಕೊಲ್ಲುವುದು” ಎಂದು ತಣ್ಣಗಿನ ಕ್ರೌರ್ಯದ ದನಿಯಲ್ಲಿ ಉತ್ತರಿಸುವ ಸುಪ್ರಿಯಾ ಪಾಠಕ್ ಅದ್ಭುತವಾಗಿ ನಟಿಸಿದ್ದಾಳೆ. ಇಲ್ಲಿಯೂ ಫೆಮಿನಿಸಂ ಮೇಲುಗೈ ಸಾಧಿಸುತ್ತದೆ.

ಕಡೆಗೆ ಅತಿಯಾದ ಮೆಲೋಡ್ರಾಮ, ಅತಿಯಾದ ಕ್ರೌರ್ಯ, ಅತಿಯಾದ Romance and Lust ನ ನೆರಳುಗಳು ಮತ್ತು ತೆಳುವಾದ ಕಥೆ, ಸಂಪೂರ್ಣವಾಗಿ ಗುರಿ ತಪ್ಪಿದ ದ್ವಿತೀಯಾರ್ಧ “ಗಲಿಯೋಕಿ ರಾಸಲೀಲ ರಾಮಲೀಲ” ಸಿನಿಮಾವನ್ನು ‘ಒಂದು Different Film ಮಾರಾಯ’ ಎಂದು ಉದ್ಗರಿಸಲು ಅವಕಾಶ ಕೊಡುವುದೇ ಇಲ್ಲ. ಅಷ್ಟರ ಮಟ್ಟಿಗೆ ಇದು ನಿರ್ದೇಶಕ ಬನ್ಸಾಲಿಯು ತನ್ನ ಮಿತಿಯನ್ನು ಮೀರದಂತೆ ತಡೆಯುತ್ತದೆ. ಕಡೆಗೆ ದೀಪಿಕಾ ಪಡುಕೋಣೆ ಮತ್ತು ಸುಪ್ರಿಯಾ ಪಾಠಕ್ ಇವರಿಬ್ಬರ ಫೆಮಿನಿಸಂ ಈ ನಿರ್ದೇಶಕನನ್ನು, ಸಿನಿಮಾವನ್ನು ರಕ್ಷಿಸುತ್ತವೆ. ಆದರೆ ಅದೃಷ್ಟದ ಈ ಯಶಸ್ಸನ್ನೇ ಬಂಡವಾಳ ಮಾಡಿಕೊಂಡು ಭವಿಷ್ಯದಲ್ಲಿಯೂ ಇದೇ ತಾನು ನಡೆಯುವ ದಾರಿ ಎಂದು ಬನ್ಸಾಲಿ ಮಹಾಶಯ ನಿರ್ಧರಿಸಿದರೆ ಶಿವಾಯನಮಃ!!

1 thought on ““ಗಲಿಯೋಕಿ ರಾಸಲೀಲ ರಾಮಲೀಲ” – ಅಚ್ಚರಿಗೊಳಿಸುವ ಫೆಮಿನಿಸಂ

  1. nagraj.harapanahalli

    ದೀಪಿಕಾ- ರಣವೀರ ಅವರ ತೆರೆಯ ಮೇಲಿನ ರೋಚಕತೆ ನೋಡಿಯೇ `ಉರಿದು ಬಿದ್ದವರ’ ನೆನಸಿಕೊಂಡು ನನಗೆ ನಗೆ ಬಂದಿತ್ತು……..

    Reply

Leave a Reply

Your email address will not be published.